طوِّر نفسك

دليلك لزيادة زوار موقعك الجديد لعشرات الآلاف يوميًا

لعلك واحد من الأشخاص المهتمين بالبحث عن طريقة إنشاء موقع إلكتروني جديد، وجلب زوار يصل عددهم إلى عشرات الآلاف يوميا، بهدف الربح والانتشار.

حسنا، ركز معنا، تحتاج في البداية الذهاب إلى موقع جودادي على سبيل المثال، والبحث من خلاله على دومين (عنوان نطاق) مناسب لموقعك، ولكن انتبه، حاول اختيار اسما محترما وواضحا وسهل الحفظ والفهم.

بعد ذلك، يلزمك البحث عن سيرفر “استضافة” أو ما يطلق عليهvps  وستجد عروض استضافة كثيرة جدا، نقترح عليك شراء الخدمة من موقع “هوست انجير” لأنه يحتوي على واجهة عربية، وأيضا خدمة دعم فني باللغة العربية، حسب تجربتنا كانت رائعة.

ربما يكلفك الأمر من 30 إلى 50 دولار، حسب ميزانيتك.. أنت في البداية سيكون موقعك صغيرا، وهذا المبلغ كاف بإذن الله.

الخطوة التالية

نأتي للخطوة التالية، كيف ستغذي الموقع بالمقالات، هناك طريقة مهمة ندلك عليها، لاختيار الكلمات أو الأفكار التي من الممكن أن تكتب عنها.

وننصحك بإشراك زوجتك او بعض أصدقائك في الكتابة، فهناك فرق حتما، عندما تكتب لوحدك أو يكتب معك آخرون، ستجد الأمور مختلفة تماما.

بعد ذلك، يلزمك الذهاب إلى مخطط الكلمات الرئيسية لجوجل أدوردز https://goo.gl/FZ4W4d

ثم تكتب الكلمة الرئيسية المستهدفة، وتستفيد من أفكار الكلمت الرئيسية المطروحة أمامك،

وننقل لكم هنا شرحا من موقع سيو بالعربي كما هو منشور هناك:

هتكتب الكلمة الرئيسية المستهدفة .. وبعدين هتجيب أفكار الكلمات الرئيسية بعد كدة هتضغط ع كلمة .. متوسط عمليات البحث الشهرية هيعملك ترتيبك من حيث الأقوي والأكثر بحثا .. أضغط عليها تانى عشان تجيب ترتيبها من حيث الأضعف . هتبدء تاخد كل كلمة وتبحث عنها فى جوجل وهتلاقى تحت عمليات بحث مقترحة من جوجل خد كل واحدة كوبى وشوف البحث عليها قد اية ..ولو لاقيت حاجات البحث عليها 200 : 750 عملية بحث .. هتعملها مقال وتشتغل عليها وهكذا.

وهتبدء تاخد الكلمات دى وتعمل عنها مقالات..

طيب أنت حالا ضعيف أزاى أختارالكلمات الى أعمل عليها مقالات ويبقى فى أمل اظهر عليها بشكل سريع وأجيب زوار عليها .

مثال صغير ..

“كيف اعرف برجي” 135 الف عملية بحث

“كيف اعرف برجي من اسمي فقط” 480 عملية بحث ..

يبقى أنت هتشتغل ع الكلمة الصغيرة وبإذن الله لما تتمكن منها وتبقى صفحة أولى وفى الـ 3 نتايج الأولى تلقائى هتلاقى نفسك ظهرت على الكلمة الكبيرة لكن فى نتيجة متأخرة .. هتحدث المقال وتضيف له محتوي محترم يليق بأنك تستحق الصعود ع الكلمة الكبيرة والى هى “كيف اعرف برجي”.

شرحت طريقة إعادة الصياغة كاملة ..وازاى تكتب مقال حصري https://goo.gl/mtcV8B

نقطة إضافية لم اتكلم عنها من قبل ..

فى نهاية كل مقال هتحط رابط ويكيبيديا ووظيفته توضيح لجوجل إن هذا المقال يحتوي ع روابط مهمة وموثوقة وفيديو يوتيوب لو أمكن .

هتشترك فى الموقع dlvr.com عشان كل بوست ليك ينزل يروح ع الفيس وتويتر وجوجل بلس

https://goo.gl/DFCdLa

كل مقال هتعمل يكون الـURL إنجليزي مش عربى .

هتكتب فى اليوم 5 مقالات يومية .. كل مقال ميقلش عن 1000 كلمة بالاضافة لعمل التاجز بتاعت كل مقال من عمليات بحث متعلقة الموجودة فى أسفل نتائج جوجل ..

هتستمر بشكل ثابت لمدة 3 شهور بشكل متواصل.

لازم الـ3 شهور يخلصو يكون فى الموقع 450 مقال شرط أساسى كل مقال 1000 كلمة أو أكتر.

فى الفترة دى هتلاقى كل مقالاتك بتنزل مابين صفحة 3،4،5،6،7،8 ..وطبيعى جداً لأن الموقع لسة ضعيف.

بعد كدة هتجيب دومين منتهى له اثورتى كويس وتتاكد أنه مش متعاقب أو عليه إسبام سكور أعلى من 3 وفى أى مجال وهتحوله ع موقعك.

بعد كدة هتروح ع خمسات وهتشترى بـ100 دولار خدمات باك لينك فى مواقع كبيرة ع كلمات مختلفة ع الأقساااااااام مش المقالات .وكل خدمة تشتريها تكون 3 شهور.

تحافظ على مستواك فى العدد بحيث قبل انتهاء 6 شهور يكون معاك 900 مقال..

بعد ما الباك لينك يتحسب ليك .. هتدخل ع جوجل لو محتواك صحة ..أكتب منتدى الصحة وأشترك فى كل المنتديات الموجودة فى جوجل.

وأعمل مقالات كوبى باست وأربط ع لينكات ليك على كلمات أنت بتستهدفها ..

هتشتغل كدة بمعدل 10 لينكات كل يوم ..لمدة شهر

فى المرحلة دى هتلاقى تحسن وتحرك فى نتايج موقعك وهتبدء تلاقى نتايج موقعك بتتقدم وبتقرب من الصفحة الـ 2

بعد مرور 7 شهور عليك .. هتبدء تلاقى تاجز بدون اى تدخل منك انت عملتها قبل كدة .. صعدت وبقت فى نتايج مميزة جداً ..لكن عندك مشكلة وهو ان الزائر بيدخل عليها لكن مش بيلاقى الى هو محتاجة ..

ودى مرحلة التوليد.. هتولد مقالات انت اتصدرت فيها بدون تعب وجابت لك كلمات جديدة انت متعبتش عليها

اقرا البوست دا : https://goo.gl/OWbtWI

هتدخل تعالج التاجز دى وتعملها مقالات بنفس الإسم وتربط المقال بالتاج الى صاعد عشان تحافظ ع معدل الإرتداد بتاعك ..

هيترتب على كدة إن التاج هينزل تحته المقال الجديد الى بنفس العنوان أو هيتحذف التاج ويستبدل مكانه المقال الجديد.

وفى النهاية أنت الكسبان انك وفرت المعلومة للزائر وبدل ماكن بيدخل ويقفل فى ثانية بقى بيقعد يقرأ المقال وفى احتماله انه يشوف موضوع تاني يعجبه او يضغط ع الإعلان.

بعد كدة هتلاقى أرشفتك إتحسنت بشكل كويس وكل مقال بينزل بعد نشره بكام ساعة تقريباً ..بعد ماكان بياخد يوم ويومين أو أكتر.

هتفضل شغال كدة وبعد مرور 10 شهور عليك..هتبدء فى خطوة جديدة تصغر عدد كلمات المقال وتزود عدد المقالات.

ركز معي

يعنى لو بتكتب 5000 كلمة مقسمين ع 5 مقالات .. لا هتكتبت 10 مقالات كل مقال 500 كلمة.

هتستمر ع كدة شهرين ..هيكون معدلك فى الشهرين دول 600 مقال ماشاء الله.

كدة عدى عليك سنة ولازم توسع الاستضافة وتجدد الدومين وتكون مثلا الضعف ب500 شهريا.

هتلاقى أرشفتك إتحسنت جامد جداً بشكل ملحوظ ، وهيكون مر عليك سنة كاملة . وهتلاقى المقال بينزل وقتى فى جوجل وبيرانك كمان.

فى الوقت دا هتروح تعمل تنصل من الروابط الى إشتريناها من خمسات ..لإن زى ماقولت الباك لينك وظيفته نقول لجوجل أحنا موجودين وخلاص المهمة تمت هتبدء تتوسع على كلمات صعبة وكبيرة ..

جمد قلبك وأدُخل ع الكلمات الى هى ربع مليون ونص مليون وفى أى مجال قريب منك.

هنيجى بقى لمرحلة الصعود بالأقسام لرفع الموقع فى السماء بإذن الله

أى قسم عايز تصعد بيه إشتغل عليه شهرين مقالات يومياً بعدد كبير فى نفس القسم وهيصعد نتيجة أولى .. وعن تجربة أكتر من مرة وفى مجالات مختلفة الصعوبة.

وأنت شغال .. المقال الى هتلاقية وصل صفحة اولى لكن نتيجة 8 مثلا وواقف مكانه .. أدخل ضيف فيه معلومات جديدة وحدث تاريخ المقال .. وأنشره ع السوشيال ميديا وأديله 2 أو 3 باك لينك بسيط كدة ..وهتلاقيى اتقدم من 2:4 نتائج للامام باذن الله .

ومن اللحظة دى بإذن الله هيكون ربحك الشهري 400 : 600 دولار فى نيتش عربى ..

أنا لم اتكلم عن الأرباح أثناء العمل وأثناء بداية الموقع .. حتى لا أُشغلك به ولتركز فى العمل لكن سيأتى لك أرباح بإذن الله ..أثناء عملك لكن ليست كبيرة.

أهم نصيحة أنصحكم بيها وهى الاستمرارية حتى وأنت عندك أخطاء وعدم معرفة كافية .

الاستمرارية هى سر النجاح والله والتجربة خير دليل . مدة عمل سنة ستكون مرهقة لكن بعد كدة هتلاقى المقال الى كنت بتتعب عليه عشان تنزل صفحة 5 ..بقيت بتعمل المقال ينزل صفحة تانية أو أولى كمان..

المصدر: موقع سيو بالعربي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى
إغلاق